Hier entsteht dein kleiner digitaler Adventskalender der Pfadi Rain.
Jeden Tag erzählt dir eine Leitungsperson etwas über sich und stellt dir eine kleine Frage.
Du kannst dir dann die richtige Antwort notieren und nach Weihnachten mit an den nächsten Anlass bringen. Wer die meisten richtigen Antworten kennt, kriegt einen kleinen Preis.
Viel Spass und schöni Wiehnachte!
1. Dezember 2021
Hey ciao.
Ech ben de Raposo, 19 ond han grad frösch d Matura gmacht. Im Momänt beni grad imene Zwöschejohr am italiänisch lehre in Italie. Mini Pfadierläbnis fönd bereits i de 1. Primarschuel ah. So rechtig id Pfadi igstege beni aber erst spöter. Sit 3 Johr beni Leiter ond mer gsed mech während em Lager emmer öppe i de Chochi öppis am ome fuste met em Keny. Choche öberem Für macht eifach riisig Spass.
Quizfrage: Was han ech jedem Pfader/Pfadesse met of de Täller gä im Sommerlager?
a) Peterli b) Parmesan c) Serviette
2. Dezember 2021
Hello ech be d Vive 🙂
Vor langer Ziit hed mech d Pepita einisch met ane Pfadiiahlass gno. Det heds mer so guet gfalle das ech bes höt emmerno debii be. Die velle tolle Lüüt, d Abentür ond die coole Pfadilager gfalled mer sehr!
Im Momänt schaff ech in Montreux uf de Post am Schalter. Onder de Woche huus ech dete ond am Wochenänd chomi de meistens aber gliich hei weli d Lüüt done vermesse ond gärn weder echli „normal“ rede.
gfensch es use?!
Vo welem Star ben ech e riise Fan oder ämu zomendescht im Sola 21 gsi?
3. Dezember 2021
Sali zäme
Ech be de Keny. Ech be 23 Johr alt ond be im Momänt uf de Suechi nachere Lehrstell als Informatiker. Als Öbergang schaff ech i de Praxis vo minere Schwöster ond helfe det chli met em Papierkram.
Ech be erst nach de 2. Oberstufe zo de Pfadi dezue cho, aber sit denne chönnt ech sie nömme us mim Läbe wägdänke. Ech be Stufeleiter vo de Pfadistufe ond im Lager versuech ech mech ame chli am Chochtopf.
Quizfrog:
Was esch min Spetzname won ech i de Pfadi becho han?
a) Gourmet-Keny
b) Chochi-Keny
c) Graber-Keny
4. Dezember 2021
Salli zäme
Ech ben de Raccimo ( Räcu ), wenni ned i de Pfadi ben heissi Jan Estermann. I de Pfadi beni Stulei fo de Wolfsstufe, söst schaffi als Winzer in Altishofen. I de Pfadi beni sett 13 Johr. Ech ben gern i de Pfadi, wäge de tolle Erlebniss ond de Fröndschafte wo ech i de Pfadi gschlosse han.
Wie alt ben ech?
1. 22
2. 30
3. 19
5. Dezember 2021
Höi zämme
Ech ben d Papillon ond sett ech mech mag zrog erinnere, i de Pfadi. 🙂 I de erste Klass hed mech mini Nochberi mole amne Samstignommitag metgno ond s hed mer so Spass gmacht, dasi emmer no debii ben! Mer gfallt ade Pfadi bsonders, dass eso vell cooli lüüt debii send, mer emmer ganz vell tolli Sache erläbed und alli enand hälfed. Uf minere Liste met „bsondere“ Lager hani bes etz s Corpslager, s Kantonslager und im Sommer denn s Bondeslager. Ech freue mech riisg. Schaffe duen ech im Büro bem Kantonsgricht und mache näbebi d Wiiterbildig zor dipl. Betriebswertschafteri HF.
Quizfrage:
Welles Tattoo han ech am Oberarm?
a.) Pfadililie
b.) Papillon
c.) Samariterknopf
6. Dezember 2021
Hallo ech bes, de Fürio. Entsprechend mim Pfadiname hani doch no es entsprechends Foti vo mer im tüfe Archiv gfonde, obwohl sech sett 18 Johr Pfadi doch scho einigi agsammlet setted ha. Set em Kindergarte ben ech scho debii ond ha scho einigi Lagerplätz ond Lagermotto erläbt gha. Aktuell beni grad am Jura studiere a de Universität Luzern ond be vorussechtlech im Winter 2025 fertig met em Studium falls alles noch Plan lauft. Ond bes zo denn werds no einigi Lagerplätz ond -mottos zom erkonde gäh.
Die höttigi Quizfrog god au genau om das. I welem Kanton vo de Schwiiz semmer i de letschte 18 Johr nie imene Lager gsii? Als chlini Hilf geb ech euch no en chlini Uswahl:
A: Wallis
B: Appenzell (AI)
C: Schaffhausen
D: Luzern
E: Neuenburg
7. Dezember 2021
Hallo zäme
Ech be de Adaptivo, be 22gi und mache en Lehr als Elektriker. Ech be ufe Name Adaptivo tauft worde, wel ech sehr ahpassigsfähig be wie en Adapter und eifach öberall driipasse.
Es fühlt sech ah, als wärs Gester gsi, woni mi erst Tag ide Pfadi gha han und ez erwartet mech au scho s’vierte Sommerlager.
Neb de Pfadi goni oft go Bouldere.
Quiz Frage: Wie lang ben ich scho ide Pfadi?
(a) 5 Johr
(b) 4 Johr
(c) 3 Johr
8. Dezember 2021
Hoi Zäme
Ich ben d Selina aber i de Pfadi beni d Schuschu. Ech ben set de erste Klass i de Pfadi…auso set öppe 13 Johr. Set vier Johr beni jetzt Leiterin i de Wolfsstufe. Ech han auso scho vell Erennerige a tolli Momänt ond Abentür woni i de Pfadi han döffe erläbe ond ech hoffe es wärded no velli wiiteri dezuecho.
Näb de Pfadi mach ech grad en Lehr als…
a) Erzieherin
b) Orthopädin
c) Optikerin
9. Dezember 2021
I de Pfadi heissi ned Tarantula, sondern Speff.
Mis Alter wössed er jo ned, das bliibt au nochli so… vellecht sägis im nöchschte Lager, chömed doch 😉
Bereits vo chlii uf hed mech d Pfadi I mim Läbe begleitet ond mer tolli Erläbnis ond Erennerige gschänkt.
Leider verstönd er ned emmer min Humor, aber dä füehrt oft zo tolle, verwerrte Bleck vo üch.
Quizfrage: Uf wele Felm, womer scho paar mol im Lager gluegt hend, gfendeder i mim Textli obe en Ahspelig?
a.) Oben
b.) Schellenursli
c.) Mein Name ist Eugen
10. Dezember 2021
Sali Zäme
Ech be de Geko ond 22 Johr alt. Immomänt schaff ech als Elektriker ond studiere näbetbi Gebäudetechnik. I de Pfadi ben ech scho sit de 1. Klass aktiv debii. Met da Pfadi han ech onzähligi onbezahlbari Erfahrige döffe mache ond hoffe das no velli dezue chömid.
Quizfrog
Was esch mis Lieblingshobby noch de Pfadi?
a.) Eishockey spele
b.) Posaune spele
c.) Wandere
11. Dezember 2021
Sali zäme
Hoffe er hend bis jetzt e schöni Adväntsziit gha. Ech be de Luca ond i de Pfadi heissi Sonio. Ech be jetzt 20i ond be set de 2. Klass i de Pfadi. Han also scho velli tolli Pfadistonde döffe erläbe ond freu mi of wiiteri. Schaffe dueni als Softwareentweckler ond näb de Pfadi trefft mer mech no öppe hendereme Schlagzüüg a, be nämmli no im Blasorchester ond i de Guugemusig.
Mini Frog a üüch: Wer usem Leitigsteam chond us de gliich Familie wie ech?
a) Smaragda
b) Schuschu
c) Findus
12.Dezember
Sali zäme
Ich bin euches nächste Türli: de Merino. Ich bin 23i und schaffe als Informatiker und studiere nebebi Wirtschaftsinformatik. Ich bin vor es paar Jöhrli per Zuefall id Pfadi cho und bi sither blube wells mer super gfallt mit euch Chind und mini Leitergspändli und mer emmer tolli Sache erlebed.
Wohne dueni nemmli ned im Rain. Vo wo chum ich de her?
A: Sins
B: Hochdorf
C: Inwil
13. Dezember 2021
Hallo zäme ech ben de Fox, 24i ond somet eine vo de alte Hase i üsem Leitigsteam. Met de Pfadi verbend ech vellilustigi Momänt ond tusig Abentür. D Ziit bis zum nörchschtePfadilager vertrib ech, idem ech als Stromer schaffe und näbedra no Elektrotechnik studiere.
Quizfrage:
Welles esch min Lieblingswitz?
a) Machen zwei Joghurt ein Wettrennen. Das eine ist aber schon abgelaufen.
b) Welcher ist der schlauste Kuchen der Welt? Der Googlehupf!
c) Sagt eine Kuh zum Polizisten: «Mein Mann ist auch Bulle.»
14. Dezember 2021
J -> Jassen, von klein auf bin ich begeistert von diesem Spiel.
O -> Oktober, mein Geburtsmonat seit 24 Jahren.
E -> Erlebnisse und Abenteuer begeistern mich in der Pfadi immer wieder aufs Neue.
L -> Lachen, meines erkennt man von tausenden und ist sogar mein Heimatort.
H -> Hochbauten, umso grösser desto besser. Jedes Jahr eine neue Herausforderung.
E -> Elektroinstallateur, meine tägliche Beschäftigung seit 8 Jahren.
G -> Geschwister hab ich drei. Einer lebt sogar in K…?
N -> Name, in der Pfadi bekommt jeder einen neuen. Meiner ist Quirli.
E -> Esel hatte ich nie, jedoch Ziegen.
R -> Reisen, meine Ferienbeschäftigung. Ob kalt oder warm Kanada reizt mich immer.
15. Dezember 2021
Hallo zäme 🙂
Ech be d‘Smaragda & ben sett de Wölfli🐺 ide Pfadi debi! Im Momänt beni im letzte Johr vo de Lehr als MPA.
Ich bin mega gern dosse i de Natur & bin für jedes Abentür z‘ha! Genau drom gniessi jede Augebleck ide Pfadi.⚜️🌞
Wieso heiss ich Smaragda zum Pfadiname?
a) well grüen mini Lieblingsfarb esch
b) weg mine grüene Auge
c) well d‘Natur grüen esch🌱
16. Dezember 2021
Moin Zäme
Ech be de Balu oder au besser bekannt als Moo. Ech ha jetzt grad d’RS gmacht ond schaffe jetzt als Anlagen- und Apparatebauer. Ech be gfühlt set ech cha dänke i de Pfadi ond chönnts mer nömme wäg dänke. Ech gnüsses id pfadi chönne zgo ond eifach chli chönne spenne ond ned ganz normal zsie. Ech be Piostufeleiter ond freue mech scho uf de nöchsti Pfadialass 🙂
Quizfrog: Was han ech emmer debii?
a) Nastüechli
b) Füürzüg
c) Mässer
17. Dezember 2021
Sali zäme
Ech be d’Pflaschter, be 22ii ond set 2007 i de Pfadi Rain debii.
Wenni nedgrad öppis Pfadimässigs los ha, gfendet mer mech meistens ofem Buurehof bim schaffe oder i de Guggemusig. Am meiste Spass macht mer i de Pfadi well i det so vell tolli Abentür darf erläbe wie zum Biispel öbernachte im Schnee, s Corpslager, s Kala ond es Jamboree. Wenni etz aber alles würd verzelle würds glaub chli e lange Text gä. 😉
Ech freu mech of velli witeri Abentür mit üch.
Rätsel:
I wellem Land isch s Jamboree gsee, i dem ich met 16nii gsii ben?
a) England
b) Japan
c) Schweden
18. Dezember 2021
Halli Hallo zäme
Ich bi d Pepita und be jetzt doch au scho einige Ziit be de Pfadi debi… und zwar ben als Wöfli id Pfadi cho und mer heds eso guet gfalle, dass ech grad blibe bes ech jetzt Wölflileitern bin. Ide Pfadi fend echs eifach super, dass mer eifach mega tolli lüüt um sich hed und immer öbis Erläbt wo mer sicher nie werd vergässe.
S höttige Quiz:
Wer hed mech id Pfadi brocht?
a) Smaragda
b) Vive
c) Schuschu
19. Dezember 2021
Ciao!
Ech be d Accara. Wenn mers aber wörd schribe wie mers seid, wärs Ascara 😉
Mis Pfadifüür brönnt scho zehmli lang. Sed mech es Gspändli spontan met i nes SoLa metgno hed. Es paar Jöhrli hani zwar e chlini Pause gmacht aber das Füür för d Pfadi esch nie erlosche ond so beni weder zrogg. De Gröschtteil vo minere Zit wedmi de Pfadiorganisation, sigs als Leiteri, als AL zäme met em Geko, oder als Korsleiteri vo de J&S-Körs i de Inerschwiz.
Momentan reisi grad als Backpackeri dör Ecuador ond gnüsse s warme Klima. Ech freu mi aber nöchscht Johr de weder met üch witeri tolli Pfadigschechte z schribe!
Mini Frog:
Was esch eis vo mine liebschte Sing-Song-Lied?
a) das alte Haus von rocky docky
b) de Gröscht
c) s Zöndhölzli
20. Dezember 2021
Sali zäme ech ben de Jerry.
Ech ben im 2 Lehrjohr als Sanitärinstallateur ond sehr zfrede. Ech ben ez sit 10 johr ide Pfadi ond sit 2 Johr Leiter. S Pfadiläbe esch för mech öpis vom Gröschte ond ech ben stolz debi zsi.
Was esch mis Lieblingspeli ide Pfadi?
a) Bulldogge
b) Blinzelgame
c) Reiter au Reiter ab
21. Dezember 2021
Hoii zäme
Ech ben de Bosch ond ben im 2. Lehrjohr als Lastwagemech.
Ech ben eze au scho längeri Zit ih de Pfadi ond han emmer en grosse Spass.
Met de Pfadi verbend ech emmer mega vell s
Spass, Action ond en riesig grosse Zämehalt zwösche allne.
Es send ned nome d‘Lager wo emmer sehr amüsant send sonder au üsi Pfadiahläss am Samstignomitag.
Mini Frog ah üch!
Weles Wort han ech im Lager emmer gseid wen mi öpis ufgregt hed oder öpis ned so gloffe esch wie plant???
a.) Herrgolani
b.) Herrgott
c.) Hemmelarsch ond zweren
22. Dezember 2021
Salii Zäme
Ech be de Findus ond be 16i.
Ech be im Momänt anere Usbeldig als FaGe im Seebleck Sorsii.
Ech be sett de 1. Klass i de Pfadi ond mues säge ech bliibe au gärn nochli denn do hed mer emmer weder cooli Momänte.
Ech wönsche üch no en schöni rästlechi Adväntszyt. 🙂
Quizfrog:
Als welles tier werd ech i de erst stuffe am mäischte bezäichnet
1. de Wöschbär.
2. de Fesch.
3. s Äffli.
23. Dezember 2021
Mein Name ist Klaro (Lena Estermann). Seit einem Jahr darf ich die Pfadi Rain als J+S Coach unterstützen. Im Wölfli-Alter bin ich in die Pfadi Rain gegangen und bis jetzt ging kein Jahr ohne Pfadi vorbei.
Gerne möchte ich mit euch einige meiner schönsten Pfadierlebnisse teilen;
Wunderschöne klare Nächte unter dem Sternenhimmel, leckeres Essen selber über dem Feuer gekocht, jeder Haik in den Sola’s, Corpslager 2012 mein erstes Lager als Wolfsstufenleiterin, jedes Singsong im Lager, viele lustige Spiele mit witzigen Verkleidungen, neue Freundschaften geknüpft, Kantonslager 2018 und viele lustige Momente, welche ich immer in meinen Erinnerungen behalten werde.
Schöne Weihnachten und auf viele unvergessliche Pfadierlebnisse im 2022!
Wie viele Sommerlager habe ich mit der Pfadi Rain verbracht?
a. 12
b. 11
c. 13
24. Dezember 2021
Wir wünschen euch ein wunderschönes Weihnachtsfest, viel Zeit mit euren Familien und Freunden und hoffentlich geht der eine oder andere eurer Wünsche in Erfüllung.
Wir sehen uns im nächsten Jahr!
Bis bald & einen guten Rutsch!